సిపిఎం అఖిల భారత విస్తృత సమావేశాల సందర్భంగా షహీద్‌నగర్‌ (తుమ్మలపల్లి కళాక్షేత్రం)లో ఏర్పాటుచేసిన అమరవీరుల చిహ్నం రాబోయే తరాలకు విప్లవ స్ఫూర్తిని అందిస్తోంది. భూమి నుండి వచ్చిన చేయి ఎర్రజెండాను అందిస్తున్నట్లుగా ఉన్న ఈ చిహ్నం చూస్తుంటేనే పోరాట స్ఫూర్తి రగులుతోంది. కర్రతో ఏర్పాటు చేసిన ఈ చిహ్నం మోచేతివరకూ భూమిలో ఉంది. అక్కడ నుండి పైకొచ్చి జెండాను పట్టుకుంది. దీనిపై సిపిఎం కేంద్ర కార్యదర్శివర్గ సభ్యులు వి శ్రీనివాసరావు మాట్లాడుతూ పోరాటవీరులు ప్రాణాలర్పించినా భావితరాలకు స్ఫూర్తిని అందిస్తున్నట్లు, భూమిలో కలిసిపోయినా సరే రానున్న తరాలను చైతన్యం చేయాలన్నట్లు ఈ చిహ్నం ఏర్పాటు చేశామని చెప్పారు. ఆంధ్రప్రదేశ్‌లో ఇటువంటి చిహ్నం ఏర్పాటు చేయడం ఇదే మొదటిసారన్నారు. ఈ చిహ్నం చుట్టూ ఏర్పాటు చేసిన పూలు వాడిపోకుండా ఏరోజుకారోజు మారుస్తున్నారు.
No comments:
Post a Comment