- ఫోటో ఎగ్జిబిషన్‌కు విశేష ఆదరణ
సిపిఎం కేంద్ర కమిటీ విస్తృత సమావేశాల నేపథ్యంలో ఇక్కడి షహీద్‌ నగర్‌ (తుమ్మలపల్లి వారి క్షేత్రయ్య కళాక్షేత్రం)లో ఏర్పాటు చేసిన ఫోటో ఎగ్జిబిషన్‌కు ప్రతినిధుల నుండి విశేష ఆదరణ లభిస్తోంది. సిపిఎం ఆవిర్భావానికి సంబంధించిన ఎంతో అమూల్యమైన ఫోటోలను ఎగ్గిబిషన్‌లో ఏర్పాటు చేశారు. మొత్తం 5 విభాగాలుగా ఫోటోలను పొందుపరిచారు. 1964లో తెనాలిలో జరిగిన పార్టీ ఆవిర్భావ సదస్సు, అదే ఏడాది కోల్‌కతాలో జరిగిన పార్టీ అఖిల భారత మహాసభ, 1982లో విజయవాడలో జరిగిన పార్టీ 11వ అఖిలభారత మహాసభ ఫోటోలతో పాటు పార్టీ వ్యవస్థాపక నేతలు సుందరయ్య, బసవపున్నయ్యకు చెందిన అమూల్యమైన చిత్రాలను ప్రదర్శనకు ఉంచారు. తెనాలి సదస్సు, విజయవాడ మహాసభ ఫోటోలు సీనియర్‌ నేతలకు ఉద్యమ జ్ఞాపకాలను గుర్తు చేస్తున్నాయి. యువతరానికి స్ఫూర్తిదాయకంగా నిలుస్తున్నాయి.
No comments:
Post a Comment